Roumanin-de-plan
Vogtia annua
Asteraceae Compositae
Autre noum : Roumaniéu-de-plan.
Nom en français : Tanaisie annuelle.
Descripcioun :Lou roumanin-de-plan es uno planto devengudo proun raro, marcado sus listo roujo, CR (valènt-à-dire en dangié criti). S'atrovo pu qu'à dous endré de noste relarg. Li noum prouvençau mostron que devié èstre bèn mai coumuno à passa tèms. Trachis dins li marlo e li limas sablous. Es uno planto pus au mens grando que flouris à la debuto de l'autouno emé de poulìdi courimbo jauno. Se recounèis peréu à soun óudour suavo.
Usanço :Aquesto planto èi proun vertuouso. De segur l'acampas pas que s'atrobo d'esperit (òli essencialo) dins lou coumèrci, que nous vèn d'Africo. Èi subretout vertuouso contro l'enflamacioun, lou prusi e li problèmo de pèu. Sougno peréu lou mau d'os, lou raumas, l'ipertesuro e mai enca...
Port : Grando erbo
Taio : 20 à 120 cm
Fueio : alterno
Tipe bioulougico : Teroufite
Cicle bioulougico : Planto de l'an
Gènre : Vogtia
Famiho : Asteraceae
Famiho classico : Compositae
Tribu : Anthemideae
Ordre : Asterales
Coulour de la flour :
Jauno
Petalo : >6
Ø (o loungour) enflourejado : 1 à 3 cm
Flourido :
Estiéu - Autouno
Sòu : Ca
Autour basso e auto : 80 à 110 m
Aparado : Noun
Setèmbre à nouvèmbre
Liò : Culturo
- Ermas
- Marlo
Estànci : Mesoumediterran
Couroulougi : Estenoumediterrano-Ouèst
Ref. sc. : Vogtia annua (L.) Oberpr. & Sonboli, 2012
(= Tanacetum annuum L. 1753 = Chrysanthemum annuum (L.) Hayek ex P.Fourn., 1939 )
Long-bè-mistoufet
Eurhynchiastrum pulchellum
Brachytheciaceae
Nom en français : Long-bec-gracieux.
Descripcioun :Aquelo mousso pluroucarpo de taio mejano (3 à 8 cm) èi coumuno dins lis Aup prouvençalo. Trachis en tepo basso, mai o mens denso, verdo, jaunastro e bunastro à la baso. Li ramificacioun soun irreguliero dins tóuti li coustat. La fueio caulinàri d'aperaqui 1 mm (0,9 à 1,3) a uno costo di quatre pèr tres de sa loungour. Diouïco, fai raramen d'espouroufite. Se rescontro à l'oumbro dins li fourèst sus sòu basique.
Usanço :Lou long-bè-mistoufet se destrìo dóu "classique" Eurhynchiastrum striatum pèr sa taio pu pichoto, e au microuscope bonodi la larjour de sa costo à la baso de la fueio (mesurado eici aperaqui à 15 micromètre - la costo de E. striatum > 70 mm ).
Port : Pluroucarpo
Taio : 3 à 8 cm
Fueio : 0,9 à 1,3 mm
Tipe bioulougico :
Cicle bioulougico : Planto renadivo
Gènre : Eurhynchiastrum
Famiho : Brachytheciaceae
Ordre : Hypnales
Coulour de la flour :
Petalo : 1 à 2 cm
Ø (o loungour) flour : Coumplet
Flourido :
Ivèr
Sòu : Ca
Autour basso e auto : 200 à 2000 m
Aparado : Noun
Desèmbre à mars
Liò : Sòu
- Roco
- Souco
Estànci : Mountagnard à Subaupen
Couroulougi : Bourealo
Ref. sc. : Eurhynchiastrum pulchellum (Hedw.) Ignatov & Huttunen, 2002
(= Eurhynchium pulchellum (Hedw.) Jenn., 1913 = Hypnum strigosum Hoffm. ex F.Weber & D.Mohr, 1803 )
